টিহুৰ কঠালমূৰা চ'কত কালিৰে পৰা দুদিনীয়া বৰ্ণাঢ্য কাৰ্যসূচীৰে আৰম্ভ হোৱা শ্ৰীশ্ৰীশনি মহাপ্ৰভূৰ যজ্ঞত শনিবাৰে অনুষ্ঠিত পূৰ্ণাহুতি প্ৰদান অনুষ্ঠানত যথেষ্ট ভক্তৰ সমাগম হয় । হাতে হাতে ধূপ-চাকি-নৈবদ্য লৈ সেৱা আগবঢ়াই ভক্ত সকলে । শ্ৰীশ্ৰীশনি মহাপ্ৰভূৰ যজ্ঞ উপলক্ষে নাম-প্ৰসংগ, ওজাপালি প্ৰদৰ্শন, আৰতী, আহুতি প্ৰদান, ধৰ্মালোচনী সভা, ঢুলীয়া প্ৰদৰ্শন, নাগাৰা নাম পৰিৱেশন, নৃত্য প্ৰতিযোগিতা, সাংস্কৃতিক অনুষ্ঠান আদি বিভিন্ন কাৰ্যসূচী অনুষ্ঠিত হয় । এই শ্ৰীশ্ৰীশনি মহাপ্ৰভুৰ যজ্ঞত সেৱা আগবঢ়ালে ভক্তৰ মনোবাঞ্চা পূৰ্ণ হোৱাৰ লোক বিশ্বাস আছে ।