ખંભાત તાલુકાના ધર્મજ બામણવા રોડ પર આરમીન ફાર્માની સામે 24 કુંડી ગાયત્રી મહાયજ્ઞના માધ્યમથી ભૂમિપૂજન વંદના મહોત્સવનું આયોજન કરવામાં આવ્યું હતું.જેમાં પરમ પૂજ્ય ગુરુદેવ, વંદનીય માતાજીના સૂક્ષ્મ તેમજ માં આદ્યશક્તિ ગાયત્રીના આશીર્વાદ અને આદરણીય શૈલજીજી તથા ડોક્ટર પ્રણવજીના માર્ગદર્શન હેઠળ સામાજિક તેમજ રચનાત્મક પ્રવૃત્તિ દ્વારા જનજાગૃતિ અને જન કલ્યાણ ની ભાવનાથી માનવ ઉત્થાનના ધ્યેયથી ગાયત્રી સંસ્કાર ધામની સ્થાપના શુભ પ્રસંગ નિમિત્તે 24 કુંડી ગાયત્રી મહાયજ્ઞનું આયોજન કરવામાં આવ્યું હતું.જેમાં ગાયત્રી સંસ્કારધામનું ભૂમિ પૂજન ખંભાતના ધારાસભ્ય ચિરાગ પટેલના હસ્તે કરવામાં આવ્યું હતું. પૂજન દરમિયાન ગાયત્રી પરિવારના ઇશ્વરભાઇ પટેલ, નરેશભાઈ પટેલ, મલેશભાઈ પટેલ, બેરોક ફાર્માના જયંતિભાઈ પટેલ સહિતના ગાયત્રી પરિવારના સભ્યો અને મોટી સંખ્યામાં શ્રદ્ધાળુઓ ઉપસ્થિત રહ્યા હતા.

(સલમાન પઠાણ ખંભાત)