নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত বৰখালাত শততম্ শ্ৰীশ্ৰী লক্ষ্মীনাৰায়ণ যজ্ঞ আজিৰে পৰা আৰম্ভ হয়৷তদুপলক্ষে পূৱা ধৰ্মধ্বজা উত্তোলন,স্মৃতি তৰ্পণ,গছপুলি ৰোপণ,পৰিবেশ শুদ্ধিকৰণ,ৰভাৰ দ্বাৰ উন্মোচনৰ পিচতে ধৰ্মালোচনী সভা অনুষ্ঠিত হয়৷দিনৰ ১১-৩০  বজাত অনুষ্ঠিত হোৱা ধৰ্মালোচনী সভাত সঞ্চালনা কৰে অসম সংস্কৃত বোৰ্ডৰ অৱসৰি উপ সঞ্চালক ড°বিমল কৃষ্ণ ভট্টাচাৰ্যই৷সভাখন উদ্বোধন কৰে সাংস্কৃতিক মহাসভা,অসমৰ সভাপতি পবিত্ৰ কুমাৰ শৰ্মাই৷সভাত আলোচক হিচাবে উপস্থিত থাকে ঘগ্ৰাপাৰ হাইস্কুলৰ অৱসৰি শিক্ষক ফনীধৰ কলিতা আৰু গ্ৰাম্য বিকাশ মঞ্চৰ সঞ্চালক পৃথ্বিভূষন ডেকাই৷ইয়াৰ পিচতে আবেলি নাগাৰানাম,সন্ধিয়া ২০২৪ চনত অনুষ্ঠিত হবলগীয়া শতবাৰ্ষিকী উৎসৱৰ লগত সংগতি ৰাখি ১০০ গছি বন্তি প্ৰজ্বলন,টোপধ্বনি আৰু নিশা বৰ্নিল সাংস্কৃতিক সন্ধিয়া অনুষ্ঠিত হব৷