বাক্সা জিলাৰ বিভিন্ন বিদ্যালয়ত নিযুক্ত হৈ থকা ঠিকা ভিত্তিক টেট শিক্ষক সকলে নিজৰ প্ৰাপ্য বকেয়া ধন বিচাৰি আন্দোলনৰ পথ লব লগা হৈছে ৷ বিগত ছয় বছৰে প্ৰায় তিনি শতাধিক শিক্ষকে নিজৰ বকেয়া ধন লাভ কৰিবলৈ সক্ষম হোৱা নাই ৷ যাৰবাবে আজি বকেয়া বঞ্চিত শিক্ষকসকলে ৰাজপথলৈ ওলাই আহি চৰকাৰক বকেয়াৰ ধন মোকলাই দিবলৈ দাবী কৰিব লগা হৈছে ৷ উল্লেখ্য যে বিগত ২০০৭ চনৰ পৰা আজিলৈ বাক্সা জিলাৰ বিভিন্ন বিদ্যালয়ত কৰ্মৰত ঠিকা ভিত্তিক টেট শিক্ষকসকলে বকেয়াৰ ধন পাবলৈ সক্ষম হোৱা নাই ৷ এই সন্দৰ্ভত ৰাজ্য চৰকাৰৰে বিটিচি কৰ্তৃপক্ষলৈ বকেয়াৰ ধন মোকলাই দিবলৈ নিৰ্দেশও প্ৰেৰণ কৰিছিল ৷ কিন্তু ৰহস্যজনক ভাৱে এই নিৰ্দেশ পোৱাৰ পিচতো শিক্ষকসকলে বকেয়াৰ ধন পাবলৈ সক্ষম নহ' ল ৷ বকেয়া বঞ্চিত শিক্ষক সকলে অভিযোগ কৰা অনুসৰি বিগত সোতৰ মাৰ্চৰ পৰা বকেয়া ধনৰ বাবে তেওঁলোকে কাম কাজ কৰি আহিছে ৷ সেই অনুসৰি ১৭ মাৰ্চত ৰাজ্য চৰকাৰে বিটিচিৰ ডব্লিউ বি টি বিভাগলৈ বকেয়াৰ ধন মোকলাই দিবলৈ এক নিৰ্দেশ প্ৰেৰণ কৰিছিল ৷ সেই অনুসৰি ডব্লিউ বি টি বিভাগে যোৱা ২৭ মাৰ্চত বাক্সাৰ কোষাগাৰলৈ এক নিৰ্দেশ প্ৰেৰণ কৰে ৷ কিন্তু দূৰ্ভাগ্যজনক ভাৱে শিক্ষক সকলে নিজৰ নিজৰ বিল যিটো পৰ্টেলত আপলোড কৰিব লাগে সেইটো আজিলৈ খোল নাখালে ৷ যাৰবাবে বিত্তীয় বৰ্ষৰ শেষৰ দিনটোও উকলি যোৱা পাচত শিক্ষকসকল হতাশ হোৱাৰ লগতে ক্ষুন্ন হৈ পৰিছে ৷ তেওঁলোকে বাক্সাৰ মুছলপুৰত থকা কোষাগাৰৰ সম্মুখত একত্ৰিত হৈ চৰকাৰৰ বিৰুদ্ধে সোচ্চাৰ হৈ পৰে ৷ আনকি এই বিষয়টো অতিশীঘ্ৰে মুখ্যমন্ত্ৰীক হস্তক্ষেপ কৰিবলৈ দাবী জনায় ৷ তেওঁলোকে কয় যে আমি আনৰ ধন বিচৰা নাই ৷ আমাৰ প্ৰাপ্যখিনি হে বিচাৰিছো ৷ ছয় বছৰে মুকলি কৰি দিয়া নাই আমাৰ প্ৰাপ্য ধন ৷ আমাক আমাৰ প্ৰাপ্য বকেয়াখিনি শীঘ্ৰে মোকলাই দিয়ক ৷
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
