এগৰাকী চৰকাৰী বিষয়াৰ বিৰুদ্ধে ওলাই আহিল সহস্ৰাধিক মহিলা ৷ চৰকাৰী কৰ্মচাৰীগৰাকীৰ বিৰুদ্ধে কপাঁই তুলিলে আকাশ- বতাহ ৷ এই দৃশ্য বাক্সা জিলাৰ জালাহৰ ৷ জালাহত থকা সমাজ কল্যাণ বিভাগৰ কাৰ্যালয় চৌহদত এনেদৰে উত্তাল পৰিৱেশৰ সৃষ্টি কৰে এইসকল মহিলাই ৷ পিচে এই সকল মহিলা আন কোনো নহয় ৷ জালাহ শিশু উন্নয়ণ প্ৰকল্প বিষয়াৰ অধীনৰ অংগনাবাডী কেন্দ্ৰৰ কৰ্মী আৰু সহায়িকাহে ৷ জানিব পৰা মতে জালাহ শিশু উন্নয়ণ প্ৰকল্প বিষয়াৰ কাৰ্যালয়ৰ কৰ্মচাৰী বিপুল ৰয়ৰ বিৰুদ্ধে প্ৰতিবাদত মুখৰ হ' ল কৰ্মী- সহায়িকাসকল ৷ উল্লেখ্য যে নাৰী কেলেংকাৰীৰ পৰা অগংনবাডীৰ খাদ্য সামগ্ৰী বিক্ৰী কৰি দূৰ্ণীতিত লিপ্ত এইগৰাকী বিপুল ৰয় জালাহ শিশু উন্নয়ন প্ৰকল্পত বিগত ২০০৭ চনৰ পৰা ২০১০ চনলৈ কাৰ্যনিৰ্বাহ কৰিছিল ৷ কিন্তু দূৰ্ণীতি তথা কেলেংকাৰীত লিপ্ত বিপুল ৰয়ক বিটিচি পৰিষদে অইন ঠাইলৈ বদলি কৰিছিল ৷ পিচে এইগৰাকী কৰ্মচাৰীয়ে পুনৰ জালাহত যোগদান কৰিবলৈ অহাত অংগনবাডীৰ কৰ্মী- সহায়িকাসকল প্ৰতিবাদমুখৰ হৈ পৰে ৷ বিপুল ৰয়ৰ বিৰুদ্ধে সকলোৱে ওলাই আহি গ্ৰহণ কৰে প্ৰতিবাদী কাৰ্যসূচী ৷ নাৰী কেলেংকাৰীত জৰিত বিপুল ৰয়ক নালাগে, বিপুল ৰয় মূৰ্দাবাদ, আদি শ্লোগান দি পৰিৱেশ উত্তাল কৰি তোলে ৷ প্ৰতিবাদী কৰ্মী- সহায়িকাসকলে বিপুল ৰয়ক পুনৰ যোগদান কৰিব দিলে আন্দোলন তীব্ৰতৰ কৰি তুলিব বুলিও হুংকাৰ দিয়ে!