કોવિડના કારણે ગુજરાતમાં દંપતીઓના જાતીય જીવનને અસર થઈ છે. તેના કારણે રાજ્યમાં કામેચ્છા (Sexual Stimulation) વધારે તેવી દવાઓની માંગમાં જોરદાર ઉછાળો આવ્યો છે. એક અંદાજ પ્રમાણે કોવિડ પહેલાંના સમયની તુલનામાં હવે સેક્સ્યુઅલ ઇચ્છા વધારતી દવાઓની ડિમાન્ડ 72 ટકા વધી છે. પુરુષોમાં શીઘ્રપતનની સમસ્યામાં વધારો થયો છે અને ઘણા લોકો મનફાવે તેવી દવાઓ લઈ રહ્યા છે.
 મેડિકલ ઈમરજન્સી અને નાણાકીય પ્રેશરના કારણે સ્ટ્રેસ વધ્યો, સેક્સની ઈચ્છા ઘટી

*ગુજરાતમાં કેન્સર, ગાયનેક દવાઓની માંગમાં પણ ઉછાળો
*ઘણા પુરુષોએ 'પરફોર્મન્સ' સુધારવા જાતે દવાઓ લીધી
*સેક્સ્યુઅલ સ્ટીમ્યુલેશનની દવાઓની માંગ 72 ટકા વધી

કોવિડની બીજી લહેર દરમિયાન લોકોમાં એટલો ગભરાટ અને સ્ટ્રેસ રહ્યો કે તેમનું જાતીય જીવન પણ ખોરવાઈ ગયું છે. સેક્સ લાઈફ બરબાદ થઈ ગઈ હોવાના કારણે ગુજરાતમાં કામેચ્છા (Sexual Stimulation) વધારે તેવી દવાઓની માંગમાં જોરદાર ઉછાળો આવ્યો છે. એક અંદાજ પ્રમાણે કોવિડ અગાઉના સમયની તુલનામાં અત્યારે સેક્સ્યુઅલ ઇચ્છા વધારતી દવાઓની ડિમાન્ડ 72 ટકા વધી છે. કોવિડમાંથી સાજા થઈ ગયા પછી પણ ઘણા લોકોની સેક્સ લાઈફ (Covid effect on sexual life) નોર્મલ થઈ શકી નથી અને તેમણે દવાઓનો આશરો લેવો પડ્યો છે. ઓલ ઈન્ડિયા ઓર્ગેનાઈઝેશન ઓફ કેમિસ્ટ્સ એન્ડ ડ્રગિસ્ટ્સ (AIOCD)એ એકત્ર કરેલા ડેટા પરથી આ બાબતના સંકેત મળે છે.
ફીચર્સથી ભરપૂર, Samsung Galaxy F13એ 11Kની રેન્જમાં શોઝટોપર છે. અહીં જાણો તમારે કેમ તેના પર નજર નાખવી જોઈએ!

સ્ટેટ કેમિસ્ટ્સ એન્ડ ડ્રગિસ્ટ્સ એસોસિયેસન (FGSCDA)ના પ્રેસિડન્ટ જશવંત પટેલે જણાવ્યું કે "કોવિડ-19ના બે વર્ષ દરમિયાન તમામ સેક્ટરમાં ઉથલપાથલ મચી ગઈ હતી. વર્કફ્રોમ હોમની અનિશ્ચિતતા, મેડિકલ ઈમરજન્સી અને નાણાકીય પ્રેશરના કારણે લોકોના જાતીય જીવનને માઠી અસર થઈ હતી. તેના કારણે કામેચ્છા વધારતી ઓવર-ધ-કાઉન્ટર તથા પ્રિસ્ક્રિપ્શન આધારિત દવાઓની માંગમાં વધારો થયો છે."

AIOCD-AWACSના આંકડા પ્રમાણે જૂન 2021માં સેક્સ્યુઅલ સ્ટીમ્યુલેશનની દવાઓની માંગ રૂ. 2.06 કરોડ હતી જે જૂન 2022માં વધીને રૂ. 3.55 કરોડ થઈ હતી. તેમાં મોટા ભાગે sildenafil citrate અને tadalafil ઉપરાંત આયુર્વેદિક દવાઓ સામેલ છે. અગાઉના મહિનાઓમાં આ ગ્રોથ માત્ર 10થી 20 ટકા હતો, પરંતુ કોવિડ પછી તેની ડિમાન્ડ જોરદાર વધી હતી.

લોકો જાતે ડોક્ટર બની બેઠા
સેક્સમાં રૂચિ ઘટી જાય ત્યારે કામેચ્છા વધારતી દવાઓ લેવી હંમેશા જરૂરી નથી હોતી. એક્સપર્ટ્સનું કહેવું છે કે લોકો જાતે પોતાનું પરફોર્મન્સ નબળું માની બેઠા હોય અને પરફોર્મન્સ સુધારવા માટે પોતાની જાતે દવાઓ ખરીદતા હોય તેવું પણ બની શકે છે.સેક્સ્યુઅલ હેલ્થના નિષ્ણાત ડૉક્ટરના મતાનુસાર સોશિયલ ડિસ્ટન્સિંગના કારણે ઘણા કપલે જાતીય પ્રવૃત્તિ જ બંધ કરી દીધી હતી. આ ઉપરાંત કોવિડને લગતી અનિશ્ચિતતાના કારણે ઘણો સ્ટ્રેસ હતો. તેના કારણે ઘણા લોકોની સેક્સ લાઈફ ખોરવાઈ હતી. ખાસ કરીને પુરુષોમાં પ્રિમેચ્યોર ઇજેક્યુલેશન (શીઘ્રપતન)ની ફરિયાદો વધી ગઈ હતી. તેના કારણે લોકોએ પોતાની જાતે મેડિકલ સ્ટોરમાંથી દવાઓ ખરીદી હોય તે શક્ય છે.

અન્ય દવાઓની માંગ પણ વધી
ગુજરાતમાં કેન્સર અને ગાયનેક સમસ્યાઓની દવાઓ, વેક્સીન, પેઈન કિલરની ડિમાન્ડમાં પણ વધારો થયો છે. કેન્સરની સારવાર કરતી દવાઓની ડિમાન્ડ 41.3 ટકા વધી હતી અને 5.93 કરોડ થઈ હતી.