હિંમતનગર એ.ડીવીઝન પોલીસ સ્ટેશનની હદમાં આવેલ સહકારી જીન ચાર રસ્તા પાસેથી શનિવારે પસાર થઈ રહેલ એક ડમ્પરના ચાલકે કારને ટક્કર મારતા નુકસાન થયું હતુ જે અંગેની ફરિયાદ રવિવારે એ.ડીવીઝન પોલીસ સ્ટેશનમાં નોંધાવા પામી હતી.

જે અંગે પ્રકાશચંદ્ર ધરમચંદ કુમાવતએ નોંધાવેલી ફરિયાદમાં જણાવ્યા અનુસાર તેઓ ૨૮ માર્ચના રોજ સહકારીજીન ચાર રસ્તા પરથી કાર લઈને જતાં હતા ત્યારે અહીંથી પસાર થતાં ડમ્પર નં. જીજે.૦૯.એયુ ૭રરર ના ચાલકે ડમ્પર ગફલતભરી રીતે હંકારી ડ્રાઈવર સાઈડ ઘુમાવી દેતા કારને નુકસાન પહોચાડ્યું  હતુ. તેમજ અકસ્માત કર્યા બાદ ડમ્પરનો ચાલક ડમ્પર લઈને ભાગી ગયો હતો. જેથી પ્રકાશચંદ્ર કુમાવતે ડમ્પરચાલક વિરૂધ્ધ રવિવારે એ.ડીવીઝન પોલીસ સ્ટેશનમાં ફરિયાદ નોંધાવી હતી