ગીરગઢડાના બાબરિયા વાડી વિસ્તારમાંથી ચાર શખ્સો સસલાનો શિકાર કરતા હોવાની જાણ થતાં ઘટનાસ્થળે દોડી ગયેલા. જ્યાં તપાસ કરતા ચાર શખ્સો પાસેથી વન વિભાગે સસલાનો મૃતદેહ, જાળ સહીતનો મુદ્દામાલ કબ્જે કરી દંડ વસૂલ્યો હતો.ગીરગઢડા નજીક ગીર પંથકના બાબરિયા વાડી વિસ્તારમાં સસલાનો શિકાર કરતા હોવાની વન વિભાગે બાતમીના આધારે બાબુ ૫૨મા૨, બાલુ ભાલિયા, ભવદીપ ભાલિયા, મહેશ ભાલિયાને ઝડપી લીધા હતા. આ શખ્સો પાસેથી એક સસલાનો મૃતદેહ તેમજ પકડવા માટે ઉપયોગમાં લીધેલી જાળ કબજે કરી હતી. ચારેય પાસેથી રૂ. 1 લાખનો દંડ વસૂલ કરવામાં આવ્યો હતો. આ ટોળકીએ પહેલા સસલાના શિકાર કર્યા છે કે, નહીં અને આ ટોળકીમાં હજુ કેટલાં શખ્સો સંડોવાયેલા છે તેની વધુ પૂછપરછ હાથ ધરી વન વિભાગે તપાસ હાથ ધરી હતી.