অসম সাহিত্য সভাৰ অন্যতম শক্তিশালী শাখা নলবাৰী জিলা সাহিত্য সভাৰ নতুন সভাপতি আৰু সম্পাদক আজি বিনা প্ৰতিদণ্ডিতাৰে নিৰ্বাচিত হয়৷সভাপতি হিচাবে নিৰ্বাচিত হয় শিক্ষাবিদ,লেখিকা ড°লীনা ডেকা আৰু সম্পাদক হিচাবে একেৰাহে দ্বিতীয় বাৰৰ বাবে নিৰ্বাচিত হয় সাংবাদিক,লেখক পংকজ বেজবৰুৱা৷নৱনিৰ্বাচিত সভাপতি আৰু সম্পাদক দুয়োগৰাকীয়ে নিষ্ঠা আৰু সততাৰে কাম কৰি যোৱাৰ লগতে শিক্ষাৰ নৱদ্বীপ খ্যাত নলবাৰী জিলা সাহিত্য সভাক অধীক গতিশীল কৰাৰ কথা উল্লেখ কৰে৷দুয়ো গৰাকী সভাপতি আৰু সম্পাদকেে জাতীয় স্বাৰ্থক অগ্ৰাধিকাৰ দি সাহিত্য ক্ষেত্ৰক অধীক চহকী কৰাৰ বাবে জিলাখনৰ সাহিত্যনুৰাগী ৰাইজে আশা কৰিছে৷ইতিমধ্যে দুয়োগৰাকী নৱনিৰ্বাচিত সভাপতি/সম্পাদকক জিলাখনৰ বিভিন্ন প্ৰান্তৰ শাখা সাহিত্য সভা সমূহে শুভেচ্ছা জনাইছে৷৷