Baganpara আগন্তুক লোকসভা নিৰ্বাচনৰ বাবে সম্প্ৰতি বি পি এফ দলে আৰম্ভ কৰিছে কুচকাৱাজ। দলীয় কৰ্মকৰ্তা সকলক সক্ৰিয় কৰাৰ উদ্দেশ্যে বিভিন্ন ঠাইত এটাৰ পিচত আন এটাকৈ অনুষ্ঠিত কৰি গৈছে দলীয় কাৰ্যসুচী । আজি বি পি এফৰ সভাপতি হাগ্ৰামা মহিলাৰীয়ে সহস্ৰাধিক ৰাইজৰ লগত বাক্সা জিলাৰ বাগানপাৰা বি পি এফ কাৰ্যালয়ৰ পৰা পাচ কিঃমিঃ পদযাত্ৰা কৰি টুপুলীয়াত এখন গনজাগৰণ সভাত অংশ লয় । শান্তি ,ঐক্য,সংহতি আৰু প্ৰগতিৰ হকে অংশগ্ৰহন কৰা সভাত হাগ্ৰামা মহিলাৰীয়ে বৰ্তমানৰ ইউ পি পি এল চৰকাৰৰ বিৰুদ্ধে সৰব হৈ পৰে ।বড়ো জাতিটোক প্ৰমোদ বড়োৱে ধ্বংস কৰা বুলি মন্তব্য কৰে হাগ্ৰাম মহিলাৰীয়ে । ইপিনে সাংবাদিকৰে হোৱা সাক্ষাৎকাৰত হাগ্ৰামা মহিলাৰীয়ে সমাগত লোকসভা নিৰ্বাচনত বি পি এফ দলে কাৰো লগত মিত্ৰতা নকৰাকৈ নিৰ্বাচন খেলিব বুলি মন্তব্য কৰে ।