સુરત જિલ્લાના મહુવા પોલીસ મથકે ફરિયાદ આપતા સાંબા ગામના રહીશ ધર્મેશ ફકીરભાઈ પટેલ ના જણાવ્યા પ્રમાણે તેઓ ઘરમાં હતા તે સમયે સાંબા ગામના રહીશ ભાવિન ઉર્ફે બંટી મુકેશભાઈ પટેલ તથા કેવલ સતિષભાઈ પટેલે આવી બુમો મારી બહાર બોલાવ્યો હતો.ફરિયાદી ધર્મેશ પટેલ હોળી રમવા આવ્યા છો કે શું મુજબ પૂછતાં અચાનક બન્ને યુવકોએ ફરિયાદીને પીઠ,ચહેરા તથા પેટના ભાગે મારવાનું શરૂ કર્યું હતું આ સમયે ફરિયાદીની પત્ની તેને છોડાવવા આવતા તેને પણ ધક્કો મારી પાડી નાખી હતી.આ દરમ્યાન લોકો ભેગા થઈ જતા બંને યુવકો મોટર સાયકલ ઉપર ભાગી છૂટ્યા હતા.ભાગતા સમયે તેઓએ ફરિયાદીને પાછા આવીશું ત્યારે જાન થી મારી નાખીશું મુજબની ધમકીઓ આપી હતી.આ ઘટના બાબતે ફરીયાદી ધર્મેશ પટેલ દ્વારા મહુવા પોલીસ મથકે ફરિયાદ આપતા મહુવા પોલીસે જરૂરી કાર્યવાહી શરૂ કરી હોવાનું જાણવા મળી રહ્યું છે.