ডিব্ৰুগড় জিলাৰ টিংখাঙৰ শ্যমলী স্পৰ্টছ ক্লাব চহৰীকতাৰ উদ্যোগত ফুটবল প্ৰশিক্ষণ অনুষ্ঠিত হৈছে। তাৰেই পৰিপ্ৰেক্ষিতত ১১৯ নং টিংখাং বিধানসভা সমষ্টিৰ বিধায়ক তথা অসম চৰকাৰৰ কেবিনেট মন্ত্ৰী বিমল বড়াৰ নেতৃত্বত মন্ত্ৰীৰ ভাতৃ তথা বিশিষ্ট সমাজকৰ্মী কমল বড়া প্ৰশিক্ষণ স্থলীত উপস্থিত হৈ উদ্যোক্তা তথা প্ৰশিক্ষাৰ্থী সকলক খেলৰ সামগ্ৰী প্ৰদান কৰে। এই প্ৰশিক্ষণৰ জৰিয়তে গ্ৰাম্যাঞ্চলৰ প্ৰতিভাবান খেলুৱৈ সকলক উৎসাহ যোগোৱাৰ লগতে ক্ৰীড়া জগতত প্ৰতিষ্ঠিত হোৱাৰ ক্ষেত্ৰত সহায়ক হ'ব। এই অনুষ্ঠানত খোৱাং জিলা পৰিষদৰ সদস্য চন্দন চকুচাৰো দেউৰীৰ, উদ্যোক্তা সকলৰ লগতে প্ৰশিক্ষাৰ্থী সকল উপস্থিত থাকে।