চৰাইদেউ জিলাৰ মৰাণৰ চাংমাই গাঁও তেলী পট্টীত নিশা দুৰ্বৃত্তৰ অগ্নিসংযোগ ৷ অচিনাক্ত দুৰ্বৃত্তই তিনিজন লোকৰ বাসগৃহত জমা কৰি ৰখা খেৰৰ মজিত কৰে অগ্নি সংযোগ ৷ অগ্নিকাণ্ডৰ ফলত নিশা হাহাঁকাৰ পৰিস্থিতিৰ সৃষ্টি ৷ চৰাইদেউ জিলাৰ মৰাণহাট আৰক্ষী থানাৰ অন্তৰ্গত চাংমাই গাঁৱৰ তেলী পট্টীৰ ৰমেশ তেলী, চেনীৰাম চাহু আৰু বেলা তেলী নামৰ তিনিজন ব্যক্তিৰ বাসগৃহ চৌহদত জমা কৰি ৰখা খেৰৰ মেজিত যোৱা নিশা অগ্নিসংযোগ কৰে অচিনাক্ত দুৰ্বৃত্তই ৷ এই অগ্নিসংযোগৰ ফলত এজন লোক সামান্য পৰিমাণে আহত হয় ৷ আনহাতে অগ্নিসংযোগৰ পাছতে পৰিয়ালৰ লোক সাৰ পোৱাত চাৰি/পাঁচজনীয়া দুৰ্বৃত্তৰ দলটো পলাই যায় ৷ ঘটনাস্থলীত আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ অগ্নি নিৰ্বাপন কৰাত ব্যক্তিকেইজনৰ বাসগৃহ অগ্নিকাণ্ডৰ পৰা ৰক্ষা পৰে ৷ ঘটনা সন্দৰ্ভত পৰিয়ালকেইটাই মৰাণহাট আৰক্ষী থানাত দাখিল কৰা এজাহাৰৰ ভিত্তিত আৰক্ষীয়ে তদন্ত আৰম্ভ কৰিছে ৷