ডিব্ৰুগড় জিলাৰ মৰাণ আৰক্ষী থানাৰ অন্তৰ্গত এক্সিচ বেংক মৰাণ শাখাত একাউণ্টৰ ভয়ংকৰ জালিয়াতিৰ অভিযোগ উত্থাপন হৈছে। পৰিচয় পত্ৰত অন্য লোকৰ ফটো ব্যৱহাৰ কৰি একাউণ্ট খুলি মাটি দালালে কেইবা লাখ টকা হৰলুকি কৰাৰ অভিযোগ উত্থাপন হৈছে। ঘটনা অনুসৰি ভুক্তভোগী জৰ্জিনা বেগম নামৰ মহিলা গৰাকীৰ পৰা দালাল চফি আহমেদ আৰু মকছোদ খানে মাটিৰ power of attorney অতি চলচাতুৰিৰে ব্যৱহাৰ কৰি এক কঠা চাৰি লোচা মাটি দুগৰাকী লোকক বিক্ৰী কৰিছিল। ইয়াৰ পিছতে এগৰাকী ক্ৰেতাই প্ৰায় ২৩ লাখ টকাৰ এখন চেক জৰ্জিনা বেগমৰ নামত দিছিল। আৰু সেই টকা উলিয়াবলৈ দালাল চফি আহমেদ আৰু মকছোদ খানে জৰ্জিনা বেগমৰ নামত ভূৱা পৰিচয় পত্ৰ, জৰ্জিনা বেগমৰ ভূৱা চহী ব্যৱহাৰ কৰি এক্সিচ বেংকত একাউণ্ট খুলি সকলো টকা উলিয়াই নিয়ে। ইতিমধ্যে এই সন্দৰ্ভত মৰাণ আৰক্ষী থানাত এজাহাৰ দাখিল কৰিছে পৰিয়ালটোৱে।