শাহুৰহৈ বোৱাৰী বহিল মেট্ৰিক পৰীক্ষাতঃ ধেমাজি জীয়াধল হাইস্কুল কেন্দ্ৰত শাহু জবাৰানীক উত্তীৰ্ণ কৰাবলৈ বোৱাৰী আইতেশ্বৰীঃ
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
ধেমাজি: শাহুৱেকক মেট্ৰিক পাছ কৰাবলৈ গৈ বোৱাৰী বহিল পৰীক্ষাত ৷ ধেমাজিৰ জীয়াধল হাইস্কুল পৰীক্ষা কেন্দ্ৰত এগৰাকী বোৱাৰী আইতেশ্বৰীয়ে শাহুৱেক জবাৰানীৰহৈ পৰীক্ষা দি ধৰা পৰি আটক হব লগা হল আৰক্ষীৰ হাতত ৷ যোৱা কালি শুক্ৰবাৰৰ পৰা আৰম্ভ হোৱা মেট্ৰিক পৰীক্ষাত পূৱ জীয়াধল হাইস্কুলৰ পৰীক্ষাৰ্থী আছিল শদিয়াৰ অমৰপুৰৰ বাসিন্দা জবাৰানী চন্দী ৷ কিন্তু জীয়াধল উচ্চমাধ্যমিক বিদ্যালয়ৰ পৰীক্ষা কেন্দ্ৰত শাহুৱেকৰ হৈ পৰীক্ষা দিছিল জবাৰনী চন্দীৰ বোৱাৰী আইতেশ্বৰী পেগুৱে ৷ নিৰিক্ষকে এডমিট কাৰ্ড পৰীক্ষা কৰাৰ সময়ত এডমিট কাৰ্ডত থকা ফটো আৰু পৰীক্ষা দিয়া প্ৰাৰ্থী গৰাকীৰ চেহেৰাৰ অমিল পায় বিষয়টো অৱগত কৰে কেন্দ্ৰটোৰ ভাৰপ্ৰাপ্ত বিষয়াক ৷ কিছু সোধাপোচাৰ অন্তত আইতেশ্বৰী পেগুৱে অৱশেষত স্বীকাৰ কৰে শাহুৱেকৰ হৈ পৰীক্ষাত অৱতীৰ্ণ হোৱাৰ কথা ৷ কেন্দ্ৰটোৰ কৰ্তৃপক্ষই ধেমাজি সদৰ থানাত এইবিষয়ে এখন এজাহাৰ দাখিল কৰাত ধেমাজি আৰক্ষীয়ে আটক কৰে দুই শাহু-বোৱাৰী ক্ৰমে জবাৰানী চন্দী আৰু আইতেশ্বৰী পেগুক ৷ মূলতঃ শাহুমাক পৰীক্ষাত উত্তীৰ্ণ কৰাবলৈ নে আন কোনো কাৰণত বোৱাৰীয়ে শাহুৰ হৈ পৰীক্ষাত অৱতীৰ্ণ হৈছিল সেই বিষয়ে স্পষ্ট হোৱা নাই ৷
