নলবাৰী জিলাৰ বৰভাগ ৰাজহচক্ৰৰ অন্তৰ্গত বৰভাগ বনভাগ আঞ্চলিক ৰঙালী বিহু সন্মিলন খনি এইবেলি ৪৭তম বৰ্ষত ভৰি দিছে৷তদুপলক্ষে অহা ১৪ৰ পৰা ১৬ এপ্ৰিললৈ তিনিদিনীয়া বৰ্ণাঢ্য কাৰ্য্যসূচীৰে অনুষ্ঠিত কৰাৰ সিদ্ধান্ত গ্ৰহণ কৰিছে৷সানেকুছিস্থিত পশ্চিম বড়িগোগ অম্বাপ্ৰিয়া চৌধুৰী হাইস্কুল খেলপথাৰ প্ৰাংগনত অনুষ্ঠিত হব লগা উক্ত বিহু সন্মিলনৰ প্ৰথমদিনা সন্ধিয়া অসমীয়া গীতৰ আধাৰত একক নৃত্য প্ৰতিযোগিতাৰ আয়োজন কৰিছে,প্ৰতিযোগিতাৰ প্ৰথম পুৰস্কাৰ ৩০০১/= টকা,দ্বিতীয় পুৰস্কাৰ ২০০১/=টকা আৰু তৃতীয় পুৰস্কাৰ ১০০১/= টকা,ভৰ্তি মাচুল ১০০/= টকা৷দ্বিতীয় দিনা সাংস্কৃতিক সন্ধিয়াৰ বিশেষ আকৰ্ষণ জনপ্ৰিয় কন্ঠশিল্পী প্ৰাণ বিনোদ(প্ৰাৰ্থপ্ৰতীম) আৰু কাজল বৰুৱাৰ গীতৰ অনুষ্ঠান,শেষৰ দিনা নিশাৰ সাংস্কৃতিক সন্ধিয়াৰ বিশেষ আকৰ্ষণ জনপ্ৰিয় কন্ঠশিল্পী চয়নিকা ভূঞাঁ৷ৰাইজৰ সহযোগিতা কামনা কৰিছে উদযাপন সমিতিয়ে৷