ડીસા-ધાનેરા હાઈવે ઉપર આવેલા ઝેરડા ગામના ખેડૂત અને જમીનના વ્યવસાય સાથે સંકળાયેલા પરબતભાઈ ડાયાભાઇ રબારી મોડી રાતે ઝેરડા બસ સ્ટેશનથી પોતાના ઘર તરફ પગપાળા જઈ રહ્યાં હતાં. તે દરમિયાન શાળા નજીક પહોંચતા જ કોઈ અજાણ્યા શખ્સોએ પરબતભાઈને માથા, ગળા, હાથ તેમજ શરીરની ભાગે તિક્ષ્ણ હથિયારના ઉપરાછાપરી ઘા મારી હત્યા નિપજાવી ફરાર થઈ ગયા હતાં. આ અંગેની જાણ થતાં ગ્રામજનો સહિત પરીવારના સભ્યો મોટી સંખ્યામાં ઘટના સ્થળે દોડી આવ્યા હતાં.પૂર્વ ધારાસભ્ય ગોવાભાઈ દેસાઈ પણ સિવિલ દોડી આવ્યા..હત્યાની જાણ થતા પોલીસ પણ ઘટના સ્થળે પહોંચી લાશને પી એમ અર્થે ખસેડી હતી.