ডিব্ৰুগড় বিশ্ববিদ্যালয়ৰ ৰেডিঅ জ্ঞানমালিনীৰ উদ্যোগত আৰু খোৱাং মহাবিদ্যালয়ৰ মহিলা কোষৰ সহযোগত মহাবিদ্যালয়ৰ ছাত্ৰ ছাত্ৰীৰ মাজত "সামাজিক লিংগ আৰু নিৰ্যাতন" সম্পৰ্কে এক সজাগতা সভাৰ আয়োজন কৰা হয় । সভাত ৰেডিঅ জ্ঞানমালিনীৰ অনুষ্ঠান কাৰ্যবাহী বিষয়া কৌস্তুভ নাথ আৰু স্বপ্নালী ভূঞা উপস্থিত থাকে । সমাজত নাৰীয়ে সন্মুখীন হোৱা বিভিন্ন বৈষম্য আৰু নিৰ্যাতন সম্পৰ্কে নিজৰ অনুভৱ ব্যক্ত কৰে ছাত্ৰ ছাত্ৰীৰ লগতে মহাবিদ্যালয়ৰ আভ্যন্তৰীণ মান নিৰূপণ কোষৰ সমন্নয়ক ডঃ দীপালী ভট্টাচাৰ্য্য, প্ৰদীপ চুতীয়া , মহাবিদ্যালয়ৰ মহিলা কোষৰ সমন্নয়ক ডঃ চাজমিনা আখতাৰ তথা ৰেডিঅ জ্ঞানমালিনীৰ ঘোষিকাদ্বয় শান্তনা লাহন আৰু হিৰণ্যপ্ৰভা দিহীঙ্গীয়াই । ৰেডিঅ জ্ঞানমালিনীৰ কৌস্তুভ নাথে আঁত ধৰা সভাখনত উপস্থিত আছিল মহাবিদ্যালয়ৰ অধ্যক্ষ ডঃ ত্ৰৈলোক্য দিহীঙ্গীয়াৰ লগতে দিল্লীস্থ USAID ৰ পৰা অহা নিৰীক্ষক ডঃ ডাউড আলম আৰু গুৱাহাটী কাৰ্য্যালয়ৰ ডঃ জেহিৰুল ইছলাম । উল্লেখ্য যে USAID এ বেচৰকাৰী সংগঠন SMART ৰ সহযোগত " Gender based Violence" ৰ ওপৰত দেশৰ বিভিন্ন অঞ্চলত সজাগতা সভা আয়োজন কৰি এই সম্পৰ্কে জনগণক সজাগ কৰিবলৈ প্ৰচেষ্টা কৰি আহিছে ।