વિશ્વની અર્થવ્યવસ્થા સુદ્રઢ થાય તે હેતુથી G-20 સમિટ યોજવામાં આવે છે. G-20 માં વિશ્વના 20 દેશોનો સમાવેશ કરવામાં આવે છે, જેમાં આપણા ભારત દેશનો પણ સમાવેશ કરેલ છે. આ G-20 બેઠક વ્યવસ્થા અંતર્ગત આપણા વડાપ્રધાન શ્રી નરેન્દ્રભાઈ મોદીજીએ ભારતની અર્થવ્યવસ્થા સુદ્રઢ થાય તે હેતુથી G-20 નું આયોજન દિલ્હીના પ્રગતિ મેદાનમાં શુભારંભ કરેલ છે ત્યારબાદ આખા વર્ષ દરમ્યાન ભારતના વિવિધ શહેરોમાં જેમ કે ઈન્દોર, આગ્રા, બેંગ્લોર અને હૈદરાબાદ જેવા શહેરોમાં G-20 સમિટ યોજવામાં આવનાર છે.જે અંતર્ગત આજ રોજ હાલોલ નગરપાલિકા દ્વારા G-20ના સંદર્ભે સિટી વોક યોજવામાં આવી જેમાં કલરવ સ્કૂલના ૩૦૦ વિદ્યાર્થીઓ જોડાયા હતા આ સિટી વોકનું પ્રસ્થાન હાલોલ વિધાનસભાના ધારાસભ્ય જયદ્રથસિંહ પરમાર દ્વારા મામલતદાર કચેરી ખાતે થી કરાવવામાં આવેલ. આ સિટી વોકમાં હાલોલના નગરપાલિકા પ્રમુખ શીતલભાઈ પટેલ,કારોબારી અધ્યક્ષ પ્રમોદસિંહ રાઠોડ નગર સેવાસદનના સદસ્યો તેમજ સ્ટાફ સહિત કલરવ સ્કૂલના આચાર્ય ડૉ.કલ્પના જોષીપુરા ટ્રસ્ટી હાર્દિક જોષીપૂરા તથા નગરજનો ઉપસ્થિત રહ્યા હતા જેમાં G-20 સમિટ અંતર્ગત યોજાયેલ સિટી વોકનો મુખ્ય હેતુ આર્થિક બાબતો માટેની જનજાગૃતિ અને દેશના સર્વાંગી વિકાસ માટેના પ્રયત્નો હાથ ધરવામાં આવે તે હતો. તેમજ G-20 માં જોડાયેલા સભ્ય દેશો વચ્ચે સાંસ્કૃતિક અને ટેકનોલોજી નો આદાન-પ્રદાન, તેની સાથે ગ્રીન એનર્જી અને ગ્લોબલ વોર્મિંગ અને આતંકવાદ ને મજબૂતીથી લડત આપી જેવા પેટા વિષયો આ સિટી વોકના કેન્દ્ર સ્થાને હતા. આમ વસુધૈવ કુટુંબકમની ભાવના એ આપણી સંસ્કૃતિનું મૂળ છે જે લોકો વચ્ચે કેળવાય તે હેતુથી હાલોલ નગરપાલિકા અને કલરવ શાળા ના વિદ્યાર્થીઓ દ્વારા સીટી વોકનું ભવ્ય આયોજન કરવામાં આવ્યું હતું