আজি কিছু সময় আগতে নলবাৰীত জিলা প্ৰশাসনৰ দ্বাৰা ১৪৪ ধাৰা বলবৎ কৰে৷জিলা উপায়ুক্ত গীতিমণি ফুকনে এক জৰুৰী নিৰ্দেশনা যোগে এই কথা সদৰি কৰে৷উল্লেখ্য যে আজি কিছুদিনৰ পৰা নলবাৰী শ্বহীদ মকুন্দ কাকতি অসামৰিক চিকিৎসালয় একপ্ৰকাৰ বন্ধ কৰি নৱনিৰ্মীত নলবাৰী মেডিকেল কলেজ হস্পিতালত চামিল কৰন কৰা প্ৰক্ৰিয়াত জাঙুৰ খাই উঠিছে জিলাখনৰ দল সংগঠন তথা সচেতন নাগৰিক৷ৰাজপথলৈ ওলাই আহি বিভিন্ন প্ৰতিবাদী আন্দোলনৰ কাৰ্য্যসূচীৰে চহৰখনৰ পৰিবেশ উত্তাল কৰি তুলিছে৷আনকি পুৱাৰে পৰা আহ্বান কৰা নলবাৰী বন্ধ সৰ্বাত্মক হোৱাত উপায়ন্তৰ হৈ পৰিছে জিলা প্ৰশাসন৷অৱশেষত ১৪৪ ধাৰা বলবৎ কৰি আন্দোলনকাৰী সকলৰ প্ৰতিবাদ বন্ধ কৰাৰ কৌশল ৰচনা কৰিছে জিলা প্ৰশাসনে৷৷