গোলাঘাটত গঁড়ৰ মৃত্যুৰ তদন্ত কাৰী দল। মুখ্যমন্ত্ৰী হিমন্ত বিশ্ব শৰ্মাই গঁড়ৰ মৃত্যুৰ পিছতেই তদন্ত দিয়াৰ পিছতেই গোলাঘাটত ভাগে ভাগে চলিছে তদন্ত প্ৰক্ৰিয়া ৷ গঁড়টো বিচৰণ কৰা প্ৰতিটো প্ৰান্তত আৰক্ষী আৰু বনবিভাগে পৃথকে পৃথকে চলাইছে তদন্ত প্ৰক্ৰিয়া ৷ অসম আৰক্ষীৰ মহাপৰিদৰ্শক দেৱজ্যোতি মুখাৰ্জী আৰু বনবিভাগৰ বন সংৰক্ষক বৈশৱ সিং মাথোৰৰ নেতৃত্বত চলা তদন্তৰ পিছতহে পোহৰলৈ আহিব সমগ্ৰ তথ্য ৷ মুখ্যমন্ত্ৰীৰ নিৰ্দেশৰ পিছতেই গোলাঘাটত পৃথকে পৃথকে চলিছে গঁড়ৰ মৃত্যুৰ তদন্ত প্ৰক্ৰিয়া ৷ গোলাঘাটৰ পদুমণিত গঁড়টোৰ মৃত্যুৰ পিছতেই খুমটাই সমষ্টিৰ বিধায়ক মৃনাল শইকীয়াই সমগ্ৰ ঘটনাটোৰ ওপৰত প্ৰতিক্ৰিয়া ব্যক্ত কৰিছিল ৷ বিধায়ক গৰাকীৰ টুইটৰ পিছতেই মুখ্যমন্ত্ৰী ড° হিমন্ত বিশ্ব শৰ্মাই সমগ্ৰ ঘটনাটোৰ ওপৰত বিচাৰিছিল তদন্তৰ ৷ মুখ্যমন্ত্ৰীগৰাকীৰ এই নিৰ্দেশৰ পিছতেই গোলাঘাটত উপস্থিত অসম আৰক্ষীৰ মহাপৰিদৰ্শক দেৱজ্যোতি মুৰ্খাজী আৰু বনবিভাগৰ বন সংৰক্ষক বৈশৱ সিং মাথোৰ ৷ ইতিমধ্যে আৰক্ষী আৰু বনবিভাগৰ দল দুটাই পৃথকে পৃথকে গঁড়টো বিচৰণ কৰা স্থানসমূহলৈ গৈ তদন্ত প্ৰক্ৰিয়া আৰম্ভ কৰিছে ৷ বনবিভাগৰ বন সংৰক্ষক গৰাকীয়ে উল্লেখ কৰা অনুসৰি দুই তিনিদিনৰ ভিতৰত গঁড়টো বিচৰণ কৰা স্থানসমূহৰ পৰিদৰ্শন কৰি বিভাগৰ দলৰ সৈতে মত বিনিময় কৰি প্ৰতিবেদন প্ৰস্তুত কৰিব ৷ আনহাতে গোলাঘাটৰ আৰক্ষী অধীক্ষকে এই সন্দৰ্ভত সম্পূৰ্ণ বিষয়টোৰ ওপৰত তদন্ত প্ৰক্ৰিয়া ইতিমধ্যে আৰম্ভ হোৱাৰ কথা উল্লেখ কৰাৰ লগতে তদন্ত প্ৰক্ৰিয়াৰ পিছতহে সমগ্ৰ ঘটনা পোহৰলৈ আহিব বুলি উল্লেখ কৰে ৷ গঁড়টো মৃত্যুৰ পিছতেই খুমটাইৰ বিধায়ক মৃনাল শইকীয়াই গোলাঘাটৰ আৰক্ষী প্ৰশাসনক একপ্ৰকাৰ দোষাৰোপ কৰিছিল ৷ গোটেই বিষয়টো এতিয়া সম্পূৰ্ণ তদন্তৰ পিছতহে পোহৰলৈ আহিব ৷