ગુજરાતના ઘણા વિસ્તારોમાં ગઈકાલે સાંજના સમયે આકાશમાં ટ્યુબ લાઇટ જેવી રહસ્યમય લાઈટ દેખાતા લોકોમાં કુતૂહલ સાથે આશ્ચર્ય સર્જાયું હતું. લોકોએ આ આકાશી દ્રશ્યનો વીડિયો મોબાઈલમાં કંડારી લીધો હતો. જે બાદ આકાશમાં શું હતું તે અંગે લોકોમાં અનેક પ્રકારના તર્ક-વિતર્ક શરૂ થયા હતા. બનાસકાંઠા સહિત અનેક જિલ્લાઓમાં હારબંધ તારા જેવી કૃતિ દેખાઈ હતી. જોકે, હજુ સુધી આ લાઈટ્સ શું છે તેનું રહસ્ય ખુલ્યું નથી કે કોઈ સ્પષ્ટ વિગતો સામે આવી રહી નથી.