બનાસકાંઠાના પાલનપુર નજીક આવેલા ખેમાણા ટોલટેક્ષ ઉપર અમીરગઢના સ્થાનિક લોકોને ટોલમાંથી મુક્તિ આપવાની માંગ સાથે વિરોધ પ્રદર્શન કરવામાં આવ્યું હતું. દાંતાના ધારાસભ્ય કાંતિ ખરાડીની આગેવાનીમાં મોટી સંખ્યામાં લોકોએ આવીને ટોલટેક્ષ ઉપર ચક્કાજામ કર્યું છે. તેમજ આબુથી અમદાવાદ જતા નેશનલ હાઈવેને બ્લોક કરી નાખ્યો હતો. જેથી વાહન ચાલકો અટવાયા હતા. જોકે, અંતે ટોલમુક્તિની બાંહેધરી અપાતા આંદોલન સમેટાયું હતું.