অসমৰ জনপ্ৰিয় কবি প্ৰনৱ কুমাৰ বৰ্মনৰ এটি থলুৱা ভাষাৰ কবিতাই সম্প্ৰতি সকলোৰে মাজত জনপ্ৰিয়তা অৰ্জন কৰিছে৷আজি নলবাৰী বৰকুৰিহাৰ পাগলাদিয়াৰ বালিচাপৰিৰ কবিতাৰ এদিন অনুষ্ঠানত অংশগ্ৰহণ কৰাৰ সময়ত সাংবাদিকৰ আগত উক্ত কবিতাটো পাঠ কৰে জনপ্ৰিয় কবি গৰাকীয়ে৷উল্লেখ্য যে আজি নলবাৰী বগল’চ ৰো’ডৰ পৰা বিগত দহটা বছৰে প্ৰকাশ হৈ অহা জেপ আলোচনী গজালিৰ দশম বাৰ্ষিক দিৱসৰ লগত সংগতি ৰাখি কবিতাৰ এদিন শীৰ্ষক মননশীল অনুষ্ঠানৰ আয়োজন কৰিছিল৷উক্ত অনুষ্ঠানত প্ৰনৱ বৰ্মনৰ লগতে আন বহুত কেইগৰাকীমান জনপ্ৰিয় কবিয়ে অংশগ্ৰহণ কৰি জিপাল কৰে পাগলাদিয়াৰ বালি চাপৰি৷