બનાસકાંઠા જીલ્લામાં છેલ્લા કેટલાય સમયથી વાહન ચોર ટોળકી સક્રિય થઈ છે. જેમાં ડીસા શહેરમાં ફુવારા સર્કલ પાસેથી વધુ એક બાઈકની ઉઠાંતરી થઈ હોવાની ઘટના સામે આવી છે. જેમાં કમલેશ ગેલોત પોતાનું બાઈક ભગવતી જંકશન શોરૂમ આગળ પાર્ક કરી કામ અર્થે ગયા તે દરમિયાન કોઈ ચોર પાર્ક કરેલી બાઇકની ચોરી કરી ગયો હતો. જે બાઈક ચોરીની સમગ્ર ઘટના સીસીટીવી કેમેરામાં પણ કેદ થઈ ગઈ હતી. કમલેશને પાર્ક કરેલી જગ્યાએ પોતાનું બાઈક નજરે ન પડતા બાઈકની ચોરી થઈ હોવાનો અહેશાશ થતા ડીસા શહેર ઉત્તર પોલીસ મથકે જાણ કરતા જ પોલીસે આગળની કાર્યવાહી હાથ ધરી છે.