पार्टी करण्यासाठी तीन मुली ज्वारीच्या शेतात गेल्या

औसा प्रतिनिधी: लातूर एम.आय.डी.हद्दीतील मैत्रीणी वर विश्वास ठेऊन पार्टी करायला गेलेल्या एका अनाथ अल्पवयीन मुलीला गुंगीचे औषध देऊन तिच्यावर लैंगिक अत्याचार केल्याचा धक्कादायक प्रकार लातूरात समोर आला आहे. पीडित मुलीने या प्रकरणी एमआयडीसी पोलीस ठाण्यात तक्रार दिली. तिच्या तक्रारीवरून मैत्रिणीसह पाच जणांच्या विरोधात पोक्सो अंतर्गत गुन्हा दाखल करण्यात आला आहे. त्यामुळे आता पोलीस याप्रकरणात काय कारवाई करणार, हे पाहावे लागेल.लातूर शहरात एका सोळा वर्षीय अनाथ मुलगी बालगृहात शिक्षणासाठी वास्तव्यास आहे. ती १८ जानेवारीला नेहमीप्रमाणे कॉलेजला गेली. कॅन्टीनमध्ये बसल्यानंतर तिच्या तीन मैत्रिणींनी तिला आपण पार्टी करू, असे म्हणून तिला शहरातील अंबाजोगाई रोडवरील एका ज्वारीच्या शेतात नेले. थोड्या वेळाने त्या मुलींपैकी एका मुलीने तिच्या पतीला फोन करून तिथे बोलून घेतले. त्याच्यासोबत एक ऑटोरिक्षा चालक आला होता. सर्वांनी तिथे बसून गप्पा मारल्या.

दरम्यान पीडित अनाथ मुलीला पेय पदार्थांमधून गुंगीचे औषध दिले. थोड्या वेळाने तिला गुंगी येऊ लागली. अशा अवस्थेत ऑटो चालकाने तिच्यावर बळजबरी करण्याचा प्रयत्न केला. मात्र त्या मुलीने विरोध केला तर तिला जीवे मारण्याची धमकी देण्यात आली. शिवाय गुंगीचे औषध पाजले गेल्याने तिचा विरोध कमी पडला. दरम्यान ती बेशुद्ध झाली. सायंकाळी सहा वाजण्याच्याचा दरम्यान ऑटो रिक्षा चालकाने तिला बालगृहाच्या समोर सोडले. जेव्हा पीडित मुलगी पूर्णपणे शुध्दीवर आली. त्यानंतर तिने सरळ एमआयडीसी पोलीस स्टेशन गाठत पोलिसात तक्रार दाखल केली. तिच्या तक्रारीवरून पोलिसांनी पीडित मुलीच्या तीन मैत्रिणी एका मैत्रिणीचा पती आणि त्याच्यासोबत आलेल्या ऑटो रिक्षा चालकावर पोक्सो अंतर्गत गुन्हा दाखल केला. या प्रकरणाचा पुढील तपास लातूर एमआयडीसी पोलीस करत आहेत.