অহা ২২ জুলাইৰ পৰা গুৱাহাটীত অনুষ্ঠিত অসম যুৱ অলিম্পিক-২০২২। এই অলিম্পিকৰ অলিম্পিক শিখা আজি মধ্য অসমৰ ধেমাজি জিলাৰ পৰা কঢ়িওৱা হয় গুৱাহাটী অভিমুখে। ধেমাজিৰ পৰা অসম অলিম্পিক সন্থাৰ যুটীয়া সম্পাদক ফুটবলাৰ হীৰেন গগৈয়ে কঢ়িয়াই অনা অলিম্পিক শিখাক ঢকুৱাখনাত আদৰণি জনোৱা হয়। ঢকুৱাখনা জিলা ক্ৰীড়া সন্থাৰ বিষয়-ববীয়া আৰু খেলুৱৈ সকলে ঢকুৱাখনা-ঘিলামৰা সংযোগী পথৰ পৰা ঢকুৱাখনা নগৰৰ মাজেৰে আদৰণি অনা হয় এই অলিম্পিক শিখাক। এই অলিম্পিক শিখা আদৰণি কাৰ্যসূচীত ঢকুৱাখনাৰ মহকুমাধিপতি তথা অতিৰিক্ত উপায়ুক্ত অৰিন্দম বৰুৱা,সমাজকৰ্মী বসন্ত শইকীয়া, ঢকুৱাখনা জিলা ক্ৰীড়া সন্থাৰ বিষয়-ববীয়া ক্ৰমে-অচ্যুত চত্ৰধৰা,জ্যোতি কোঁৱৰ, প্ৰদীপ চমুৱাকে প্ৰমূখ্যে বহুতো বিশিষ্ট ব্যক্তিয়ে অংশগ্ৰহণ কৰে।