દિયોદર પ્રાથમિક શાળા નંબર ૧ અને બોડા પ્રાથમિક શાળા ખાતે જેકેટ નુ વિતરણ કરાયું... બનાસકાંઠા દિયોદર પ્રાથમિક શાળા નંબર એક તેમજ બોડા પ્રાથમિક શાળા ખાતે સ્વ. માંગીલાલજી ક્રિષ્નાજી સોની ની દ્વિતીય વાર્ષિક પુણ્યતિથિ નિમિત્તે હરિકૃષ્ણ ફાઉન્ડેશન દ્વારા પરિધાન કાર્યક્રમની શરૂઆત કરવામાં આવી હતી, જેમાં પ્રાથમિક શાળા નંબર એક તેમજ બોડા પ્રાથમિક શાળા ખાતે તમામ બાળકોને જેકેટ વિતરણ કરવામાં આવ્યું હતું, તેમજ બોડા ગામની મહિલાઓ ને સાડી અને દીકરીઓને ડ્રેસનું વિતરણ કર્યું હતું. જેમાં હરિક્રિષ્ના ફાઉન્ડેશન ના ચેરમેન કંદર્પ આત્મારામ ભાઈ સોની, જગદીશભાઈ સોની નારણભાઇ સોની નરેશભાઈ સોની રાજેશભાઇ સોની મનુભાઈ ઠાકોર અને શાળા ના આચાર્ય અંબારામ ભાઈ જોશી તથા શાળા નો સ્ટાફ હાજર રહ્યો હતો. પ્રાર્થના માં બે મિનિટ નું મૌન પાળી સ્વ માંગીલાલજી ને શ્રદ્ધાંજલિ પાઠવી હતી. વધુ માં કંદર્પ સોની એ જણાવ્યું કે પરિધાન કાર્યક્રમ અંતર્ગત કપડાં વિતરણ નો કાર્યક્રમ સતત ચાલુ જ રહેશે, અને આદિવાસી વિસ્તાર નાં ગરીબ લોકો સુધી કપડાં પહોંચી રહે તે માટે વિશેષ ધ્યાન આપવામાં આવશે
