દલવાડા સ્ટેશન પાસે કારની અડફેટે આવેલ બે વિદ્યાર્થીનીઓ પૈકી એક વિદ્યાર્થીનીનું અમદાવાદ ખાતે સારવાર દરમ્યાન મોત.

શહેરાના દલવાડા સ્ટેશન પાસે સ્વિફ્ટ કારના ચાલકે બે વિદ્યાર્થીનીઓને અડફેટે લીધી હતી, જેમાં બંને વિદ્યાર્થીનીઓને નાની મોટી ઈજાઓ પહોંચતા તેઓને સૌપ્રથમ શહેરા થી ગોધરા અને ત્યારબાદ એક વિદ્યાર્થીનીને વડોદરા ખાતે જ્યારે બીજી વિદ્યાર્થીનીને અમદાવાદ ખાતે સારવાર માટે ખસેડાઈ હતી. જોકે થોડા દિવસ પહેલા દલવાડા સ્ટેશન પાસે સર્જાયેલ અકસ્માતની ઘટનામાં અમદાવાદ ખાતે સારવાર લઈ રહેલી ધોરણ-9 માં અભ્યાસ કરતી ભૂમિકા હસમુખભાઈ નામની વિદ્યાર્થીનીનું અમદાવાદની સિવિલ હોસ્પિટલમાં સારવાર દરમિયાન મોત નિપજ્યું હતું,જેને લઈને તેના પરિવારજનોમાં શોકની લાગણી છવાઈ હતી.