ખામણ ગામે દુકાન નો શટલ તોડી મુદ્દામાલ ની ચોરી કરી અજાણ્યો ચોર ઈસમ થયો ફરાર :
મળતી માહિતી અનુસાર આ કામના ફરિયાદી યોગેશકુમાર ચીમનભાઈ પટેલ રહે વડીયા રોયલ સન સીટી તાલુકો નાંદોદ નાઓની મોજે ખામર ગામે એગ્રી બિઝનેસ સેન્ટર નામની દુકાન આવેલ હોય જે દુકાનમાં તારીખ 14/01/2023 ના રોજ રાત્રિના સમયગાળા દરમિયાન કોઈ અજાણ્યો ચોર ઇસમ દુકાનનું તાળું તોડીને શટલ ખોલીને દુકાનમાં ગેર કાયદેસર પ્રવેશ કરેલ હોય અને દુકાનમાં મુકેલા દવા છાંટવાની બેટરી વાળા પંપ નંગ 51 કિંમત રૂપિયા 129948 તથા બોટ મશીન એક કિંમત રૂપિયા 54000 તથા જુદી જુદી જંતુનાશક દવાઓ કિંમત રૂપિયા 113402 મળી કુલ કિંમત રૂપિયા 297350 ના મુદ્દામાલ ની ચોરી કરીને ફરાર થયો હોવાની ઘટના બનતા સમગ્ર વિસ્તારમાં ચકચાર મચી જવા પામી છે દુકાનમાં ચોરી બનવાની ઘટના થતા આ કામના ફરિયાદી યોગેશકુમાર ચીમનભાઈ પટેલે આમલેથા પોલીસ મથકે ફરિયાદ નોંધાવી છે સદર ઘટનાની જાણ આમલેથા પોલીસને થતા આમલેથા પોલીસે આજાણ્યા ચોર ઈસમ વિરુદ્ધ કાયદેસર ગુનો દાખલ કરી ચોર ઈસમને ઝડપી પાડવા માટે ચારે દિશામાં ચક્રો ગતિમાન કરવામાં આવ્યા છે
