আজি পৰ্য্যন্ত মেৰামতি নহল বিগত এপ্ৰিল মাহতে ধুমুহাই বিধস্ত কৰা সানেকুছি ৰাজ্যিক চিকিৎসালয় গৃহটো৷উল্লেখ্য যে চলিত বৰ্ষৰ এপ্ৰিল মাহৰ ২২ তাৰিখে নিশা অহা প্ৰচণ্ড ধুমুহাই সানেকুছি ৰাজ্যিক চিকিৎসালয়ৰ গৃহটো তচনচ কৰি বিপৰ্যয় নমাই আনিছিল৷নলবাৰী জিলাৰ ঘগ্ৰাপাৰ প্ৰাথমিক স্বাস্থ্য কেন্দ্ৰৰ অন্তৰ্গত উক্ত চিকিৎসালয় বিধস্তৰ পিচতে বিধিগত ভাবে সকলো বিভাগীয় কাৰ্য্যলয় আৰু জিলা উপায়ুক্তক অৱগত কৰিছিল৷আনকি বৰভাগ ৰাজহচক্ৰৰ চক্ৰ বিষয়াই নিজে আহি প্ৰত্যক্ষ কৰিছিল৷আনকি স্থানীয় বিধায়ক দিগন্ত বৰ্মনেও কমদিনৰ ভিতৰত মেৰামতি হব বুলি আশ্বাস দিছিল,কিন্তু দুৰ্ভাগ্যজনক কথা যে ২০২২  চন সমাপ্ত হোৱাৰ পথত যদিও আজি কোপতি চিকিৎসালয় গৃহটো মেৰামতি নহল৷বহুত কষ্টৰে চিকিৎসক তথা স্বাস্থ্য কৰ্মী সকলে ৰোগীৰ চিকিৎসা কাৰ্য্য চলাই আছে৷ভূক্তভোগি ৰাইজে অনতিপলমে চিকিৎসালয়ৰ গৃহটো মেৰামতিৰ দাবী কৰিছে৷৷