চৰাইদেউ জিলাৰ মাহমৰা ৰাজহচক্ৰৰ অন্তৰ্গত মৰাণ অইল ইণ্ডিয়াৰ ঠিকা ভিত্তিক কামত স্থানীয় যুৱক- যুৱতীক সংস্থাপন নিদিয়াৰ প্ৰতিবাদত আজি অইলৰ মূল প্ৰৱেশ দ্বাৰৰ OCS আৰু DCS পথত বাঁহ বান্ধি পথ অৱৰোধেৰে উত্তাল প্ৰতিবাদ সাব্যস্ত কৰে খুমটাই অঞ্চলৰ বহু পুৰুষ -মহিলাই। অঞ্চলটোৰ কোনো উন্নয়ণ মূলক কাম নকৰাৰ অভিযোগ তুলি প্ৰতিবাদ কাৰী সকলে পুৱাৰ পৰা এইকাৰ্য্যসূচী ৰূপায়ণ কৰে।অইলৰ প্ৰতিটো কামতে বাহিৰৰ পৰা মানুহ আনি সংস্থাপন দিয়াৰ লগতে স্থানীয় যুৱক -যুৱতী সকলক প্ৰতিটো কামতে বঞ্ছনা কৰি অহাৰ অভিযোগ স্থানীয় ৰাইজৰ। বহুসময় ধৰি পথ অৱৰোধ কৰাৰ পাছত অইল কতৃপক্ষ আহি ৰাইজৰ সৈতে আলোচনাত মিলিত হোৱাৰ পিছতে অৱৰোধ উঠাই লয় স্থানীয় ৰাইজে।