কামৰূপ জিলাৰ হাজো বিধানসভা সমষ্টিৰ অধীনস্থ আৰু ৰঙিয়া উন্নয়ন খণ্ডৰ অন্তৰ্গত বাৰাংহাটী গাওঁ পঞ্চায়ত কাৰ্য্যালয় চৌহদত আজি আবেলি এটি পঞ্চায়ত ভৱন নিৰ্মাণৰ শুভাৰম্ভণি কৰে৷ৰাষ্ট্ৰীয় গ্ৰাম স্বৰাজ অভিযান ২০১৯-২০ বৰ্ষৰ বিত্তীয় অনুদানৰ বিশ লক্ষ্য টকাৰে নিৰ্মাণ সম্পূৰ্ণ কৰিব পঞ্চায়ত ভৱনটোৰ৷আজি কামৰূপ জিলা পৰিষদৰ মুখ্য কাৰ্য্যবাহী বিষয়া পৰাগ কুমাৰ কাকতি,ৰঙিয়াৰ খণ্ড উন্নয়ন বিষয়া জয়ন্ত কুমাৰ কলিতা,আঞ্চলিক পঞ্চায়তৰ সভানেত্ৰী শিপ্ৰা দাস,বাৰাংহাটী গাওঁ পঞ্চায়তৰ সভানেত্ৰী শেৱালি কলিতা,আঞ্চলিক সদস্যা ৰূমা মজুমদাৰেে উক্ত ভৱন নিৰ্মাণত সহযোগ কৰে৷নিৰ্মাণৰ শুভাৰম্ভৰ পিচতে বাৰাংহাটী গাওঁ পঞ্চায়তৰ সভানেত্ৰীৰ সভাপতিত্বত এখন সভা অনুষ্ঠিত হয়৷উক্ত সভাত আঞ্চলিক পঞ্চায়তৰ সভানেত্ৰী শিপ্ৰা দাস,বাৰাংহাটীৰ গাওঁপ্ৰধান পংকজ শইকীয়া,অৱসৰপ্ৰাপ্ত শিক্ষক অমূল্য কলিতা,যুৱ সমাজকৰ্মী হিতেশ্বৰ কলিতা,বিশু ডেকা আদিকৰি কেইবাজনো লোকে বক্তব্য দিয়ে৷ইয়াৰোপৰি উক্ত সভাতে সুদৰ্শন ক্লাৱ,বাৰাংহাটীৰ তৰফৰ পৰা আঞ্চলিক পঞ্চায়তৰ সভানেত্ৰী,গাওঁ পঞ্চায়তৰ সভানেত্ৰী আৰু আঞ্চলিক সদস্যাক ফুলাম গামোছাৰে শুভেচ্ছা জনাই৷