মৰাণ ফটিকাছোৱা নেপালী গাৱত ঐতিহ্য মণ্ডিত গৰখীয়া সবাহ অনুষ্ঠিত। মৰাণ ফটিকা ছোৱা নেপালী গাৱত বিগত প্ৰায় ১৯৬৫ চনৰ পৰা গৰখীয়া থানত অগণন ভক্তৰ সমাগমেৰে আয়োজন কৰি আহিছে সামুহিক গৰখীয়া ভোজ। গাঁও খনৰ ৰাইজৰ উপৰিও বিভিন্ন প্ৰান্তৰ পৰা অহা ভক্তৰ সমাগমেৰে ফটিকাছোৱা নেপালী থানত উলহ-মালহ পৰিবেশৰ সৃষ্টিহোৱা দেখা গ'ল।এই সবাহৰ আছে বিশেষ তাৎপৰ্য্য। লোক বিশ্বাস অনুসৰি এই থানত চাকি বন্তি জ্বলাই সেৱা কৰিলে মনোবাঞ্ছা পূৰণ হয় বুলি বিশ্বাস। সেয়ে প্ৰত্যেক বছৰে এই থানত অসংখ্য ভক্তৰ সমাগম হোৱা দেখা যায়।