আজি নলবাৰী জিলাৰ অন্যতম ক্ৰীড়ানুষ্ঠান বৰভাগ ইউনাইটেড স্পোৰ্টচ ক্লাৱৰ একাদশ ত্ৰি-বাৰ্ষিক অধিবেশন খন দিনজোৰা কাৰ্য্যসূচীৰে পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয় খেলপথাৰত অনুষ্ঠিত হয়৷তদুপলক্ষে পূৱা ছয়বজাত এটি মিনি মাৰাথন দৌৰ প্ৰতিযোগিতা অনুষ্ঠিত কৰে৷পুৰুষ মহিলা উভয় শাখাতে অনুষ্ঠিত মিনি মাৰাথন দৌৰ প্ৰতিযোগিতা উদ্বোধন কৰে খাৰুপেটীয়া উচ্চতৰ মাধ্যমিক বিদ্যালয়ৰ শাৰিৰীক নিৰ্দেশক দণ্ডীৰাম লহকৰে৷ইয়াৰ পিচতে ক্ৰমে পতাকা উত্তোলন,স্মৃতি তৰ্পণ আৰু মাৰাথন দৌৰৰ বিজয়ী সকলক বটাঁ প্ৰদানৰ লগতে সকলো অংশগ্ৰহণকাৰীকে প্ৰমান পত্ৰ প্ৰদান কৰে৷উক্ত কাৰ্য্যসূচীৰ অন্তত ক্লাৱৰ সভাপতি ডা°অৰুন চন্দ্ৰ শৰ্মাৰ সভাপতিত্বত বিষয়বাচনি সভা অনুষ্ঠিত হয়৷বিষয় বাচনি সভাত পৰবৰ্তী কাৰ্য্যকালৰ বাবে ভূপেশ চন্দ্ৰ দাসক সভাপতি আৰু দিলীপ কুমাৰ ভট্টাচাৰ্যক সম্পাদক হিচাবে লৈ এখন নতুন সমিতি গঠন কৰে৷