कान्हूर मेसाई ता. शिरुर येथील विद्याधाम माध्यमिक व उच्च माध्यमिक विद्यालयात बुधवार २० जुलै रोजी मोफत नेत्र तपासणी शिबिर आयोजित केले असून यावेळी विद्यालयातील सर्व विद्यार्थ्यांची मोफत नेत्र तपासणी होणार असल्याची माहिती विद्यालयाचे प्राचार्य अनिल शिंदे यांनी दिली आहे.
कान्हूर मेसाई ता. शिरुर येथील विद्याधाम माध्यमिक व उच्च माध्यमिक विद्यालयात रोटरी क्लब ऑफ पुना डाऊनटाऊन व कम्युनिटी आयकेअर फाउंडेशन यांच्या वतीने विद्यार्थ्यांची मोफत नेत्र तपासणी होणार आहे. सदर शिबिरासाठी रोटरीयन उल्हास भोसले, डॉ.शरद तेलाप, डॉ. तरुण कुमार यांच्यासह चौदा डॉक्टरांची टीम उपस्थित राहणार आहे, दरम्यान विद्यार्थ्यांना गरजेनुसार मोफत चष्म्या देण्यात येणार आहे, तर याबाबत बोलताना कोरोना काळात मोबाईलचा अतिरेक वापर झाल्याने अनेक शाळकरी मुलांना दृष्टीदोष निर्माण झाला असल्याने वेळीच उपाय म्हणून विद्यालयात होत असलेली नेत्र तपासणी विद्यार्थ्यांच्या हिताची असल्याचे विद्या विकास मंडळाचे अध्यक्ष गंगाधर पुंडे यांनी सांगितले.
