અમીરગઢ ચેકપોસ્ટ પર થી પિસ્તોલ અને જીવતા કારતૂસ સાથે એક શખ્સ ઝડપાયો, ત્રણ ફરાર..

અમીરગઢ પોલીસે ચેકપોસ્ટ પર એક શંકાસ્પદ ગાડીમાં તપાસ કરતા પિસ્તોલ અને જીવતા કારતૂસ સાથે એક શખ્સ ઝડપાયો હતો..

જ્યારે ત્રણ ઇસમો પોલીસ ના સકંજામાં થી ગાડી લઈને ભાગી છૂટ્યા હતા..

જોકે, પોલીસે પીછો કર્યો હતો..

આ દરમિયાન આ ત્રણ ઈસમો કાર મુકીને અંધારા નો ફાયદો ઉઠાવી ફરાર થઈ ગયા હતા..

ત્રણ શખ્સો કાર લઈને ભાગી ગયા હતા.

બનાસકાંઠા જિલ્લાના અમીરગઢ માં આવેલા ગુજરાત રાજસ્થાન સરહદ ધરાવતી પોલીસ ચેકપોસ્ટ પર પોલીસ કર્મચારીઓ રાબેતા મુજબ રૂટિન વાહન ચેકીંગ કરી રહ્યા હતા..

તે દરમિયાન રાજસ્થાન તરફ થી મહારાષ્ટ્ર પાર્સિંગ ની કાર આવતા તેમાં ચાર વ્યક્તિઓ સવાર હોઈ પોલીસ ને શકમંદ લાગતા તેઓને રોક્યા હતા..

જોકે એક ઈસમ કારમાંથી નીચે ઉતર્યો હતો, જ્યારે અન્ય ત્રણ ઇસમો કાર ને પૂર ઝડપે ભગાડી ભાગી ગયા હતા. જોકે, પોલીસે કારનો પીછો કર્યો હતો..

પોલીસે 3 લાખ થી વધુનો મુદ્દામાલ જપ્ત કર્યો..

આ દરમિયાન કરતા ચેક પોસ્ટ થી દસેક કિલોમીટર પાલનપુર તરફ ઢોલિયા ગામ ની સીમમાંથી કારને પોલીસે પકડી પાડી હતી..

જોકે, પોલીસ ને જોઈ કાર માં સવાર ત્રણ ઇસમો અંધારાનો લાભ લઈ ભાગી છૂટયા હતા..

પોલીસે કારની તપાસ કરતા તેમાં પિસ્તોલ અને મેગેઝિન સહિત નવ જીવતા કારતૂસ મળી આવ્યાં હતા..

અમીરગઢ પોલીસે કારને પોલીસ સ્ટેશનમાં લઈ જઈ પકડાયેલ ઇસમ અજિત દીનદયાળ પાંડે રહે પિંદરા વારાણસી વાળા તથા ભાગી ગયેલ દીપક ઉર્ફે દીપો રહે બેંગલોર, જાવેદ શેખ રહે હૈદરાબાદ તથા કિશન થાપા નેપાળી વાળા ઉપર કાયદેસર ની કાર્યવાહી હાથ ધરી છે..

તેમજ પિસ્તોલ સહીત કુલ 3 લાખ 27 હજાર 800 નો મુદ્દામાલ કબજે લઈ ઇસમો ઉપર આર્મ એકટ મુજબ ગુનો નોધવામાં આવ્યો છે..