আজি ভাৰতীয় গণিত বিশেষজ্ঞ শ্ৰীনিবাস ৰামানুজনৰ জন্মদিন উপলক্ষে আন্তঃৰাষ্ট্ৰীয় বেচৰকাৰী সংস্থা এইড এট এক্সনৰ উদ্যোগত চতমা ধৰনীধৰ বিদ্যাপীঠত ৰাষ্ট্ৰীয় গণিত দিৱস উপলক্ষে এখন গণিত মেলাৰ আয়োজন কৰে৷ধৰনীধৰ বিদ্যাপীঠৰ সহযোগত অনুষ্ঠিত হোৱা গণিত মেলাত পূৱাৰ ভাগতে এইড এট এক্সনৰ গণিত বিশেষজ্ঞ দীনেশ লাহতী,যোগাযোগ সহযোগী দৃষ্টি দুৱৰা আৰু জিলা সমন্বয়ক খনীন্দ্ৰ কলিতাই পৰিদৰ্শন কৰে৷ইয়াৰ পিচতে পূৱা গণিত মেলাৰ শুভ উদ্বোধন কৰে পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয়ৰ অধ্যক্ষ মনোৰঞ্জন বৰুৱাই৷গণিত মেলাত উপস্থিত থাকে দেহাৰকুছি ক্লাছতাৰৰ মণ্ডল সমল কেন্দ্ৰ সমন্বয়ক মোজামিল হক,গ্ৰাম্য বিকাশ মঞ্চৰ সভাপতি পৃথ্বী ভূষন ডেকা,ধৰনীধৰ বিদ্যাপীঠৰ প্ৰধানশিক্ষক গিৰীশ বৰুৱা,সহযোগী শিক্ষক শিক্ষয়িত্ৰী,কৰ্মচাৰী,সংবাদকৰ্মী,অভিভাৱক,অভিভাবিকা,লগতে বিভিন্ন বিদ্যালয়ৰ শিক্ষক শিক্ষয়িত্ৰী সকল৷অঞ্চলটোৰ বিশখন শিক্ষানুষ্ঠানৰ শহস্ৰাধিক ছাত্ৰছাত্ৰীয়ে সহযোগ কৰে৷অনুষ্ঠানটি পৰিচালনাত দেহাৰকুছি ক্লাছতাৰৰ শিক্ষা সহায়ক প্ৰানজিত দাস,নিত্য চৌধুৰী,প্ৰিয়ংকা চৌধুৰী,পৰশজ্যোতি বৰ্মনৰ উপৰিও বিভিন্ন গাৱঁৰ স্বেচ্ছাসেৱক আৰু বিদ্যালয় খনৰ সহায় কৰে৷