আগন্তুক অসম সাহিত্য সভাৰ ষষ্ঠসপ্ততিতম নাৰায়ণপুৰ অধিৱেশনক কেন্দ্ৰ কৰি নাৰায়ণপুৰ নগৰৰ মাজ মজিয়াত স্থাপন কৰা হ’ব পদ্মনাথ গোঁহাঞিবৰুৱাৰ প্ৰতিমূৰ্তি ৷ অসম সাহিত্য সভাৰ প্ৰথম গৰাকী সভাপতি লখিমপুৰীয়া সন্তান গোঁহাঞিবৰুৱাৰ প্ৰতিমূৰ্তি স্থাপন কৰাৰ কথা আজি লাইখুঁটা স্থাপন অনুষ্ঠানৰ মুকলি সভাত উদ্‌যাপন সমিতিৰ সভাপতি অমিয় কুমাৰ ভূঞাই জানিবলৈ দিয়ে ৷ জাতীয় অনুষ্ঠানটোৰ প্ৰাণ প্ৰতিষ্ঠান গৰাকীক নৱ প্ৰজন্মৰ মাজত পৰিচয় কৰাই দিয়াৰ বাবেই নাৰায়ণপুৰ নগৰত অধিৱেশনৰ পূৰ্ৱে প্ৰতিমূৰ্তি স্থাপন কৰা হ’ব বুলি জানিবলৈ দিয়ে ৷