શ્રી ખંભાત તાલુકા સાર્વજનિક કેળવણી મંડળ સંચાલિત આર.પી.આર્ટસ, કે.બી.કોમર્સ, શ્રીમતી બી.સી.જે સાયન્સ કોલેજમાં એમ.એ.સેમેસ્ટર-૩માં અભ્યાસ કરતા વિદ્યાર્થી ભરવાડ અર્જુન જોદાભાઈ ૨૩મી નવેમ્બરે સરદાર પટેલ યુનિવર્સિટીની કબડ્ડી ટીમમાં સિલેક્ટ થયો હતો.ત્યારબાદ ઇન્ટર યુનિવર્સિટી નેશનલ ગેમ્સ સ્પર્ધા પુના ખાતે સરદાર પટેલ યુનિવર્સિટી ટીમમાંથી ભાગ લીધો હતો.જ્યાં ભરવાડ અર્જુનનું ઓલ ઇન્ડિયા ઇન્ટર યુનિવર્સિટી સ્પર્ધામાં પસંદગી થઈ છે.જે બદલ સંસ્થાના સેક્રેટરી ડૉ.બંકિમચંદ્ર વ્યાસ, કોલેજના આચાર્ય ડૉ. વશિષ્ઠધર દ્વિવેદી દ્વારા અભિનંદન પાઠવી પ્રોત્સાહન પૂરું પાડવામાં આવ્યું છે.
(સલમાન પઠાણ-ખંભાત)
