પાવીજેતપુર તાલુકાના ભેંસાવહી પાટીયા પાસે રાત્રીના એક કાર વૃક્ષ સાથે ભયંકર રીતે અથડાતા ચાર યુવાનો ઘાયલ થયા હતા. સદનસીબે કોઈ જાનહાની થવા પામી ન હતી.
પાવીજેતપુર તાલુકાના વાઘવા ગામનો એક યુવાન તેમજ પાવીજેતપુર નગરના ત્રણ યુવાનો મળી કુલ ચાર યુવાનો મિત્ર નો જન્મદિવસ હોઇ તેની પાર્ટી કરવા માટે ભેંસાવહીના પોતાના ખેતર ઉપર ગયા હોય જ્યાંથી પાર્ટી કરી રાત્રીના પરત આવી રહ્યા હતા તે સમયે કાર ઉપર પોતાના સ્ટેરીંગ ઉપરનો કાબુ ગુમાવી દેતા કાર વૃક્ષ સાથે ભયંકર રીતે અથડાઈ હતી. જેની જાણ આજુબાજુ વાળાઓ ને થતાં સ્થળ ઉપર દોડી આવી, આ ચારેય યુવાનોને તાત્કાલિક ૧૦૮ માં બોડેલી ખાતે ખસેડવામાં આવ્યા હતા. ત્યાંથી એક યુવાનને વધુ સારવાર માટે વડોદરા એસએસસીમાં મોકલવામાં આવ્યા હતા. પ્રાપ્ત માહિતી મુજબ ચારેય યુવાનોની તબિયત સારી છે.
આમ, પાવીજેતપુર તાલુકામાં ભેંસાવહી પાટીયા નજીક કાર વૃક્ષ સાથે ભયંકર રીતે અથડાતા ચાર યુવાનો ઘાયલ થયા હતા સદનશીબે કોઈ જાનહાની થવા પામી ન હતી.
