સિહોર બપોર બાદ મેઘરાજા અનરાધાર વરસ્યા હતા, સાંજના પાંચ વાગ્યા આસપાસ પવન અને વીજળીના કડાકા ભડાકા સાથે ભારે વરસાદ વરસ્યો હતો, અંદાજે એક કલાક સુધી મેઘરાજા તૂટી પડ્યા હતા, પવન સાથે ગાજવીજ વરસાદથી શહેરના અનેક રસ્તાઓમાં નદીઓ વહી ગઈ હતી, નીચલા વિસ્તારોમાં પાણી ભરાયા હતા ગાજવીજ સાથે વરસાદ વરસ્યો હતો. શહેરીજનો છેલ્લા ઘણા દિવસોથી અસહ્યા ગરમી અને ઉકળાટથી ત્રાહિમામ પોકારી ગયા હતાં ત્યારે આજે વરસાદ થતા શહેરીજનો હરખાયા હતા અને વરસાદમાં પલળવાની મજા પણ માણતા જોવા મળ્યા છે. રાજ્યના વિવિધ વિસ્તારમાં હળવાથી મધ્યમ પ્રકારનો વરસાદ પડવાની સંભાવના છે. સિહોરમાં અચાનક સાંજના સમયે એકાએક વાતાવરણમાં પલટો આવતા સાંજે પાંચ વાગ્યાથી શરૂ થયેલ 

ધોધમાર વરસાદે અનેક વિસ્તારો પાણીથી તરબોળ, કરી. દીધા હતા સતત એક કલાક સુધી વરસાદે બઘડાટી બોલાવી હતી ઘણા સમય પછી ભારે વરસાદના પગલે ખેડૂતોમાં આનંદની લાગણી છવાઈ ગઈ છે. સાથે જ શહેરીજનોને ભારે બફારાથી રાહત મળી છે જોકે રસ્તાઓમાં પાણી ભરાવવાના કારણે અનેકવાહન ચાલકો અટવાયાપણ હતા