তাই ভাষাক নৱপ্ৰজন্মৰ প্ৰতি আগ্ৰহী আৰু জনপ্ৰিয় কৰাৰ লগতে চহকী কৰাৰ স্বাৰ্থত নাৰায়ণপুৰৰ শিমলুগুৰিত আজি নুক বাউ এ নুক ছেং শীৰ্ষক তাই গীত উন্মোচন কৰা হয় ৷ গীতটোত কন্ঠদান কৰে শিমলুগুৰিৰ জনপ্ৰিয় কন্ঠশিল্পী জুৰীতি গগৈয়ে আৰু ৰচনা কৰে নিৰন্ত গগৈয়ে ৷ শিমলুগুৰি প্ৰেছ ক্লাবত নিৰন্ত গগৈয়ে আঁত ধৰা গীত উন্মোচন সভাখনত চিত্ৰনাথ গগৈৰ সভাপতিত্বত গীতটো উন্মোচন কৰে শিক্ষক বিশিষ্ট সমাজকৰ্মী বিতুপন গগৈয়ে ৷ সভাখনত সঞ্জীৱ বসুমতাৰী , সাংবাদিক সৰোজ কুমাৰ নেওগ , চন্দন শইকীয়া , দেৱজিৎ দুৱৰা প্ৰমুখ্যে বহুকেইগৰাকী স্থানীয় লোক উপস্থিত থাকে ৷