ગુજરાત વિધાનસભા 2022ના પ્રથમ તબક્કાના મતદાનનો આજ રોજ સવારના 8 કલાકથી ભારે ઉત્સાહભર્યા વાતાવરણમાં લોખંડી સુરક્ષા બંદોબસ્ત વચ્ચે આરંભ થયો છે જેમાં આજ રોજ સૌરાષ્ટ્ર અને કચ્છની 54 અને દક્ષિણ ગુજરાતની 35 બેઠકો મળી કુલ 89 બેઠકો પર પ્રથમ તબક્કાનું મતદાન યોજાશે જેમાં પ્રથમ તબક્કાની ચૂંટણીમાં 788 ઉમેદવારો મેદાનમાં ઉતર્યા છે જેઓના આજરોજ મત પેટીમાં સીલ થશે જેમાં લોકશાહીના મહાપર્વને ઉજવી મતદાન એ મહાદાન છે ની ભાવના સાથે 89 બેઠકો પર કુલ

 2.39 કરોડ મતદારો 25,430 મતદાન મથકો પર જઈને પોતાના મતાધિકારનો ઉપયોગ કરશે. જેમાંથી 5.74 લાખ જેટલા મતદારો પ્રથમ વાર પોતાના મતાધિકારનો ઉપયોગ કરશે જેમાં લોકશાહીના મહાપર્વને અનુલક્ષીને ચૂંટણી પંચ દ્વારા રાજ્યના તમામ મતદારોને લોકશાહીના આ મહાપર્વમાં જોડાઈ વધુમાં વધુ મતદાન કરવા માટે અપીલ કરવામાં આવી છે.

આજે યોજાનાર ચૂંટણીમાં કુલ 89 સીટમાંથી 14 બેઠક આદિવાસી અને દલિત માટે અનામત છે. જ્યારે 2 કરોડ 39 લાખ 76 હજાર 670 મતદારો છે. જેમાંથી 1 કરોડ 24 લાખ 33 હજાર 362 પુરૂષ મતદારો અને 1 કરોડ 15 લાખ 42 હજાર 811 મહિલા મતદારો છે. તેમજ 497 થર્ડ જેન્ડરના મતદારો છે. પહેલા તબક્કાના મતદાન માટે 25,430 બૂથ છે. જેમાંથી 15,416 બૂથ ગ્રામ્યમાં અને 9,014 બૂથ શહેરી વિસ્તારમાં છે

       ઉલ્લેખનીય છે કે રાજ્યની 182માંથી સૌરાષ્ટ્ર અને દક્ષિણ ગુજરાતની 89 સીટ પર સવારે 8 વાગ્યે મતદાન પ્રક્રિયા શરૂ કરવામાં આવી છે પહેલા તબક્કાની 89 સીટમાંથી હાલ ભાજપ પાસે 58 અને કોંગ્રેસ પાસે 26 જ્યારે BTP પાસે 2 અને NCP પાસે એક સીટ છે. જ્યારે દ્વારકા અને વિસાવદર સીટ ખાલી પડેલી સીટ છે. આ 89 સીટમાંથી ભાજપને 48 અને કોંગ્રેસને 38 સીટ મળી હતી. જ્યારે BTPને 2 અને NCPને એક સીટ મળી હતી.ઉલ્લેખનીય છે કે, 2017માં ભાજપને 99, કોંગ્રેસને 77, NCP-1, BTP-2 અને 3 સીટ અપક્ષને મળી હતી. આ ત્રણ અપક્ષમાં જીજ્ઞેશ મેવાણી(હાલ કોંગ્રેસમાં), રતનસિંહ રાઠોડ(ભાજપના સાંસદ) અને ભૂપેન્દ્ર ખાંટ(નિધન થઈ ગયું)નો સમાવેશ થાય છે