ડીસા બેઠકના આમ આદમી પાર્ટીના યુવા અને શિક્ષિત ઉમેદવાર ડો રમેશ પટેલના સમર્થનમાં આજે ડીસામાં પંજાબના મુખ્યમંત્રી ભગવંત માનનો ભવ્ય રોડ શૉ યોજાયો હતો.આ વિશાળ રોડ શૉમાં નગરજનોનું અભિવાદન ઝીલી પંજાબના મુખ્યમંત્રીએ ગુજરાતમાં સત્તા પરિવર્તન માટે ડીસાવાસીઓનું મજબૂત સમર્થન માંગ્યું હતું. આ રોડ શોની સફળતાથી પ્રભાવિત થયેલા ભગવંત માને આ વખતે ડીસા સહિત સમગ્ર ગુજરાતમાં આપની જીત પાક્કી હોવાનો મજબૂત વિશ્વાસ વ્યક્ત કરી નગરજનોનો આગોતરો આભાર પણ વ્યક્ત કર્યો હતો. આ રોડ શૉમાં ડીસા બેઠકના ઉમેદવારની લોકપ્રિયતા પણ ઉડીને આંખે વળગી હતી...