আজি নাজিৰাৰ দিখৌ নদীত মৃতদেহ উদ্ধাৰ ।নাজিৰাৰ ৪নং ৱাৰ্ডৰ দিখৌ নদীত মৃতদেহ উদ্ধাৰ । উক্ত মৃতদেহটো ৩নং ৱাৰ্ড বাপুজীপথৰ সঞ্জীৱ মাহাটোৰ বুলি জানিব পৰা গৈছে তেওঁৰ বয়স প্ৰায় 45 বছৰ ।
উল্লেখযোগ্যযে ব্যক্তিজনে প্লামবাৰ কাম কৰি জীৱন নিৰ্বাহ কৰিছিল ইয়াৰ লগতে ব্যক্তিজনে কিছুদিন পৰা শাৰীৰিক অসুস্থতাত ভূগী আছিল আৰু যোৱা কালি নিশা প্ৰায় ১২.৩০ মান বজাত ঘৰৰ পৰা ওলাই আহিছিল । ঘৰৰ মানুহে ৰাতিয়ে বিচাৰ কোচাৰ কৰাত ক'তো নোপোৱাত চিন্তাত নিশাতো পাৰ কৰে।
পুৱা দিখৌ নৈত মৃতদেহটো স্হানীয় ৰাইজে দেখা পাই নাজিৰাৰ আৰক্ষীক জনাই । ঘটনা স্থলীত দণ্ডাধিক সহ নাজিৰা আৰক্ষী উপস্থিত হৈ মৃতদেহটো উদ্ধাৰ কৰি চিনাক্ত কৰে । মৰণোত্তৰ পৰীক্ষা বাবে জয়সাগৰ অসামৰিক চিকিৎসালয়লৈ প্ৰেৰণ কৰে। এইয়া কোনো পৰিকল্পিত হত্যা নে আত্মহত্যা সেয়া অনাগত সময়ত নিশ্চিত হ'ব ।
