অসম জাতিয়তাবাদী যুৱ ছাত্র পৰিষদৰ মৰাণ আঞ্চলিক সমিতিৰ যুটীয়া সম্পাদক জয়ন্ত দিহিঙীয়াৰ আকস্মিক মৃত্যুৱে মৰানত শোকৰ ছা পৰিছে । পৰিষদৰ যুৱ নেতা জয়ন্ত দিহিঙিয়াৰ মৰান জুটুলিবাৰী গাঁৱত যোৱা নিশা হৃদৰোগত আক্ৰান্ত হৈ মৃত্যু হয়। জয়ন্ত দিহিঙিয়াক শ্ৰদ্ধাঞ্জলি জনোৱাৰ বাবে আজি মৰাণ শিৱ ঠাকুৰবাৰীত পৰিষদৰ কাৰ্যালয়ত এক শোক সভা অনুষ্ঠিত হয়। পৰিষদৰ কেন্দ্ৰীয় সমিতিৰ উপদেষ্টা ৰঞ্জিত চাংমাই, ক্ৰিয়া সম্পাদক দিগন্ত গোগোই, চৰাইদেউ জিলা সমিতিৰ উপ-সভাপতি পল্লৱ শৰ্মা আৰু পৰিষদৰ সকলো কৰ্মীয়ে জয়ন্ত দিহিঙীয়াৰ ফটোত পুষ্পাঞ্জলি জ্ঞাপন কৰে আৰু বিদেহী আত্মাৰ শান্তিৰ বাবে প্ৰাৰ্থনা কৰে।