પાવીજેતપુર તાલુકામાં પાનીમાઈન્સ ગામે એક બાઈક ચાલકને પાછળથી બીજા બાઈક ચાલકે ભયંકર ટક્કર મારતા એક બાઈક ચાલકના માથામાં ગંભીર વાગી જતા સારવાર દરમિયાન વડોદરા એસએસજીમાં કરુણ મોત થયું છે.
પાવીજેતપુર તાલુકાના જામ્બા ગામના વતની તખતસિંહ બલસિંગભાઈ બારીયા મોટીબેજ હાઈસ્કૂલમાં શિક્ષક તરીકેની ફરજ બજાવતા હોય તેઓ ૨૫ નવેમ્બરના રોજ નોકરીથી છૂટી પાંચ વાગ્યા પછી પોતાની બાઈક ઉપર ઘરે પરત જઈ રહ્યા હતા ત્યારે પાનીમાઈન્સ ગામે ઇન્ડિયન પેટ્રોલ પંપ નજીક બાર ગામ તરફથી આવતા મણિલાલ ઉર્ફે મણીભાઈ ચંદુભાઈ નાયકા ( ઉ. વ. ૩૨, રહે. વાવ,તા. ઘોઘંબા,જી.પંચમહાલ ) નાઓએ પોતાની બાઈક ગફલત ભરી રીતે હંકારી તખતસિંહ ભાઈ ની બાઈક ને પાછળથી અથાડી એક્સિડન્ટ કરતા બંને મોટરસાયકલ ચાલકો બાઇકો ઉપરથી ઉછળી દૂર ફંગોળાઈ ગયા હતા. તખતસિંહભાઈ બારીયા ને પગના અંગૂઠામાં તેમજ કમરમાં ગંભીર વાગ્યું હતું. જ્યારે મણીલાલભાઈ ને માથાના ભાગે ગંભીર ઇજાઓ તથા બંને બાઈક ચાલકો ને કદવાલ દવાખાને લઈ જવામાં આવ્યા હતા. જ્યાંથી તખતસિંહભાઈ બારીયા ને વધુ સારવાર માટે બોડેલી ખસેડવામાં આવ્યા હતા જ્યારે મણીલાલભાઈ નાયકા ને વડોદરા એસએસસી માં લઈ જવામાં આવ્યા હતા. માથામાં ગંભીર વાગી જવાના કારણે મણીલાલભાઈ નાયકા નું સારવાર દરમિયાન કરુણ મોત થવા પામ્યું છે.
આમ, પાવીજેતપુર તાલુકાના પાનીમાઇન્સ ગામે એક બાઈક ચાલકને બીજા બાઈક ચાલે કે પાછળથી ટક્કર મારી અકસ્માત કરતા મણીભાઈ નાયકાનું સારવાર દરમિયાન કરુણ મોત થવા પામ્યું છે.
