পৰিচয় আন্তঃৰাষ্ট্ৰীয় সাহিত্য উৎসৱত অসমীয়া কবিৰ গ্ৰন্থ উন্মোচন আৰু কবিতা পাঠ
উৰিষ্যাৰ আগশাৰীৰ সাহিত্য সংগঠন পৰিচয় ফাউণ্ডেশ্যনে ২৬ নৱেম্বৰ ২০২২ত অনুষ্ঠিত কৰা আন্তঃৰাষ্ট্ৰীয় পৰ্যায়ৰ সাহিত্য উৎসৱত অসমৰ চাৰিগৰাকী কবি ক্ৰমে সদৌ অসম কবি সন্মিলনৰ প্ৰাক্তন সভাপতি আনিচ উজ জামান, কবি, ঔপন্যাসিক, গল্পকাৰ মনোজ কুমাৰ দেওৰজা, সদৌ অসম কবি সন্মিলনৰ উপ-সভাপতি উজ্জ্বল পাওগাম আৰু স্বামীম আখতাৰে কবিতা পাঠ কৰি অসমলৈ গৌৰৱ কঢ়িয়াইছে। কলিকতাৰ ৰটাৰী সদনৰ প্ৰেক্ষাগৃহত অনুষ্ঠিত উক্ত উৎসৱতে মনোজ কুমাৰ দেওৰজাৰ অনুসৃজন গ্ৰন্থ "প্ৰিয়তমা" আৰু আনিচ উচ জামানৰ অনুবাদ গ্ৰন্থ "sprout leaves quicken" উন্মোচন কৰা হয়।
