મોબાઈલ ચોરી તથા મોબાઈલ સ્નેચીગની ઘટનાઓ સામે આવી રહી છે. અને આ મામલે પોલીસ ચોપડે ફરિયાદ પણ નોંધાઈ રહી છે. ત્યારે સુરત ક્રાઈમ બ્રાંચની ટીમે આવા જ એક મોબાઈલ ચોરને ઝડપી પાડી કાયદેસરની કાર્યવાહી હાથ ધરી હતી. ડીસીબી પોલીસનો સ્ટાફ પેટ્રોલિંગમાં હતો તે દરમ્યાન બાતમીના આધારે વહેલી સવારમાં ફૂટપાથ ઉપર તેમજ ખુલ્લા મકાન અથવા ઝુપડામાંથી મોબાઈલ ફોનની ચોરી કરતા આરોપી મોહમદ સાજીદ ઉર્ફે પપ્પુ અબ્દુલ કાદિર શેખને ઝડપી પાડ્યો હતો.